Kosova

RTS zviceran: Informatori që lajmëroi për vrasjen e mundshme të Martyt është ish-agjenti nga Kosova

RTS raporton se ai është një 50-vjeçar i lindur në Kosovë, i cili kishte punuar për Shërbimet Informative Jugosllave në vitet 1990 para se të bëhej një agjent i dyfishtë.

Një person me prejardhje nga Kosova ka dhënë informacionin se individë të caktuar të shërbimeve inteligjente serbe kanë plane për të vrarë ish-senatorin zviceran Dick Marty. Kështu ka raportuar media zvicerane RTS Mise au Point.

Sipas këtij mediumi, ky informator më fund të vitit 2020, e kishte paralajmëruar Zyrën Federale të Policisë (FedPol) për planet e individëve të caktuar radikalë të shërbimeve inteligjente serbe, të cilët kishin për qëllim për të vrasjen Dick Marty, përcjell Albinfo.ch.

RTS raporton se ai është një 50-vjeçar i lindur në Kosovë, i cili kishte punuar për Shërbimet Informative Jugosllave në vitet 1990 para se të bëhej një agjent i dyfishtë.

Sipas RTS-së zvicerane, për tridhjetë vjet ai ka punuar me disa shërbime evropiane, veçanërisht ato belge, gjermane dhe zvicerane./Albinfo.ch/


LAJME INTERESANTE NGA INTERNETI