Rusët vazhdojnë të kalojnë pushimet në Zvicër

Edhe pse asnjë fluturim nga Rusia nuk është lejuar të ulej në Zvicër

Keystone - Andreas Fischinger

Asnjë fluturim nga Rusia nuk është lejuar të ulej në Zvicër që nga vendosja e sanksioneve kundër Vladimir Putin në fund të shkurtit, një numër vizitorësh nga ai vend janë parë së fundmi në disa destinacione tradicionale turistike, përfshirë Zermatt, St. Moritz dhe të tjerë, njofton albinfo.ch.

Si arrijnë këta njerëz të vijnë në Zvicër?

Rezulton se agjencitë ruse të udhëtimit dhe turistët individualë anashkalojnë sanksionet zvicerane dhe evropiane duke fluturuar nga Rusia në Dubai ose Turqi, dhe më pas duke marrë një aeroplan prej andej për në Zvicër, sipas një raporti në Blick.

Njerëzit që rezervojnë fluturimet e tyre në këtë mënyrë janë të pasur, pasi shmangia e sanksioneve nuk është e lirë.

Blick llogariti se një pushim njëjavor për dy persona në Zvicër, duke përfshirë një fluturim vajtje-ardhje nga Rusia në Zvicër nëpërmjet Dubait ose Turqisë, kushton rreth 450,000 rubla (6,700 franga), ndërsa një pagë mesatare mujore në Rusi arrin në pak më shumë se 56,000 rubla – 828 franga.

LAJME INTERESANTE NGA INTERNETI