Lajme

Rusi: Sulm në Universitet, 8 të vdekur, studentët hidhen nga dritaret

Kishte paralajmëruar sulmin, por edhe datën

Në ngjarje e tmerrshme ka ndodhur sot në Rusi. Pamje dramatike mbërrijnë nga qyteti rus Perm, ku një person i armatosur hapi zjarr në një universitet, duke shkaktuar kaos e panik mes studentëve, përcjell albinfo.ch.

Thuhet se agresori kaloi nëpër kampus e nisi të hapte zjarr. Studentët u mbyllën nëpër klasa, ndërsa disa të tjerë u hodhën nga dritaret, në përpjekje për të shpëtuar.

Nuk ka ende shifra të sakta, por flitet për disa të vdekur e të plagosur nga ngjarja e rëndë, ndërsa sulmuesi tashmë është vënë në pranga. Komiteti zyrtar i hetuesve rusë tha se agresori ishte një student i universitetit. Pamjet e studentëve të tmerruar që kërcenin nga dritaret u transmetuan dhe nga televizioni rus.

Policia konfirmoi se ishte 18-vjeçari Timur Bekmansurov, i cili dyshohet se postoi motivet e sulmit në mediat sociale para sulmit.

Policia, ndërkohë, tha se sulmuesi kishte licencë për armë dhe se ai bleu pushkën me të cilën plagosi dhe vrau studentët në mënyrë të ligjshme.

“Unë kam zgjedhur një datë, do të jetë 20 shtatori. Unë po përpiqem të studioj pasazhet midis ndërtesave, në mënyrë që t’i zbatoj ato në planin tim në oborrin e universitetit – shkruan autori i dyshuar në rrjetin social.