Lajme

Rusia nuk do ta furnizojë më me gaz Finlandën

Rusia ka informuar Finlandën se nga dita e shtunë (nesër) do ta ndalë furnizimin e tyre me gaz natyror, kështu bëjnë të ditur nga kompania që është përgjegjëse për shpërndarjen e gazit, Gasum, e cila është nën pronësinë e shtetit finlandez.

Kompania në fjalë ka refuzuar që ta paguajë eksportin e gazit me valutën ruse, rublën, ashtu siç ka kërkuar Moska prej shteteve evropiane.

“Na vjen keq për ndaljen e furnizimit me gaz natyror, aq më tepër kur kjo ishte barë e përgjegjësi e jona” deklaroi shefi ekzekutiv i Gasum, Mika Wiljanen.

“Gjithsesi, ne jemi përgatitur në mënyrë të kujdesshme, dhe kemi bërë me dije se nuk do të ketë ndërprerje të shpërndarjes së gazit nga rrjeti i transmisionit. Ne mund t’i furnizojmë klientët tanë edhe në muajt në vijim”, shtoi tutje Wiljanen.

Shumica e gazit që shfrytëzohet nga konsumatorët finlandez vjen nga Rusia, por vetëm 5 për qind e gazit përdoret për konsum energjetik.


LAJME INTERESANTE NGA INTERNETI