Rusia paralajmëron falimentim të Evropës

EPA/OLIVIER HOSLET

Ish-presidenti i Rusisë, Dimitry Medvedev, ka paralajmëruar Evropën se ajo mund të jetë duke krijuar probleme ekonomike për vendet e saj si pasojë e veprimeve ndaj Rusisë.

“Paaftësia paguese e Rusisë mund të bëhet falimentimi i Evropës”, tha Medvedev, i cili tani është nënkryetar i Këshillit të Sigurimit të Rusisë.

Medvedev paralajmëroi gjithashtu evropianët për pasoja të tjera të mundshme pas vendosjes së sanksioneve të rrepta ndaj Moskës, duke sugjeruar se masat ndëshkuese mund të rezultojnë në hiperinflacion.

“Pasoja të tjera që mund të përballet Evropa, mund të përfshijnë mungesën e ushqimeve bazë, ndërkohë që numri i madh i refugjatëve ukrainas në Evropë mund të rezultojë në një valë krimi të dhunshëm”, shtoi ai./Dpa