Bota
Sa e përdorin punëtorët Intelegjencën Artificiale
Mjetet e IA gjeneruese janë në gjendje të ndihmojnë punonjësit në aspekte të ndryshme në fluksin e punës, si shkrimi, kodimi, organizimi, lindja e ideve e shumë të tjera

Pavarësisht avantazheve të shumta, shumë punonjës hezitojnë ta përdorin Intelegjencën Artificiale për shkak të shqetësimeve se çfarë mund të tregojë për etikën e tyre të punës, tregon një studim.
Asana publikoi raportin “The State of AI at Work”, ku kompania intervistoi 4500 bashkëpunëtorë, duke përfshirë drejtues të nivelit të mesëm dhe të lartë në Shtetet e Bashkuara të Amerikës dhe në Mbretërinë e Bashkuar, në lidhje me mendimet e tyre për Intelegjencën Artificiale në punë, shkruan Monitor, transmeton albinfo.ch.
Ndër personat e intervistuar, 26% e punonjësve deklaruan se ka frikë se do të konsideroheshin dembelë për përdorimin e IA, ndërsa një në pesë punonjës pranoi se ndihet si mashtrues për përdorimin e teknologjisë.
Edhe më alarmues është fakti se 92% frikësohet se IA përdoret në mënyrë joetike. Të tri këto rezultate tregojnë nevojën për politika të qarta mbi IA, që të përcaktojnë atë që lejohet dhe nxitet.
Kur të intervistuarit u pyetën se cilat janë politikat e kompanive për IA, vetëm 30% e punonjësve amerikanë thanë se kompania e tyre ka vendosur politika ose udhëzime rreth përdorimit të IA në punë.
Kjo përqindje është më e ulët për punonjësit në Mbretërinë e Bashkuar, në 20%. Probleme të ngjashme janë theksuar edhe nga sondazhe të tjera, duke treguar nevojën për udhëheqje të fortë të IA.
“Punonjësit nuk mund ta përballojnë të vetëm këtë kalim tek Inteligjenca Artificiale – deklaroi Saket Srivastava, drejtues në Asana.
Ata kanë nevojë për udhëzime të qarta për të kuptuar rolin e IA në funksionet e tyre, së bashku me trajnime të përshtatura dhe teknologji të aksesueshme për të shfrytëzuar plotësisht aftësitë e IA”.
Pavarësisht shqetësimeve, ekziston ende një ndjenjë e fortë optimizmi në lidhje me potencialin e IA në vendin e punës.
Pjesa më e madhe e punonjësve (52%) mendon se IA do të ndihmojë kompaninë e tyre të arrijë objektivat në mënyrë efikase, duke përfshirë 61% të drejtuesve dhe 46% të kontribuuesve individualë.
E-Diaspora
-
Kosova votoi sot edhe në Gjenevë: Pesha historike e një date "Kisha zgjedhur të përjetoj këtë eksperiencë klasike. Ndoshta për herë të parë këtu në Gjenevë po...
-
Vijon votimi në Ambasadën e Sllovenisë
-
Vjenë: 510 bashkatdhetarë kanë votuar deri në orën 15:00
-
Mërgimtarët votojnë në Zagreb
-
Mërgimtarë të shumtë në aeroportin e Prishtinës
Jeta në Zvicër
-
Nesër në Zvicër: Votime të shumta komunale Në komunën e Domat/Ems në kantonin Graubünden vendosin për vendosjen e të drejtës për të votuar...
-
Orari i ri i SBB nuk është pritur mirë në Zvicrën frëngjishtfolëse
-
Kosova votoi sot edhe në Gjenevë: Pesha historike e një date
-
Moment Historik për Diasporën e Kosovës
-
Këshilli Federal nuk dëshiron të rregullojë me ligj shpenzimet e diskutueshme të BE-së