Lajme
Sa shqetësuese janë rastet e reja në Zvicër
Presidentja zvicerane Simonetta Sommaruga paralajmëroi të enjten se po vinte një valë e dytë e plotë. "Është pesë minuta nga mesnata," u tha ajo gazetarëve, duke u kërkuar të gjithëve në vend të marrin masa paraprake
Ndërsa Zvicra sheh numra rekord të lartë të infeksionit Covid-19 në bazë ditore, ministri i shëndetësisë paralajmëroi të enjten se situata është “përkeqësuar” me një shpejtësi alarmante.
“Ne jemi përballur ditët e fundit me një dinamikë të re, e cila është shumë negative dhe shumë e fortë,” u tha Alain Berset gazetarëve. Gjatë javës së kaluar, ai tha se “situata në Zvicër po përkeqësohet më shpejt se diku tjetër”.
Në shikim të parë, shifrat zvicerane mund të mos duken aq mbresëlënëse krahasuar me numrin e infeksioneve në vendet fqinje.
Kombi i pasur alpin me 8.5 milionë njerëz regjistroi të enjten 2,600 raste të reja – numri më i lartë ditor që nga fillimi i pandemisë, shkruan The Local, përcjell albinfo.ch.
Që nga fillimi, 71,140 raste janë raportuar në Zvicër dhe 1,817 vdekje, duke arritur në 832 raste dhe 21 vdekje për 100,000 njerëz.
Përqindja e testeve pozitive në vend është rritur ndërkohë nga 5.4 në 10.2 përqind në javën e kaluar.
Presidentja zvicerane Simonetta Sommaruga paralajmëroi të enjten se po vinte një valë e dytë e plotë. “Është pesë minuta nga mesnata,” u tha ajo gazetarëve, duke u kërkuar të gjithëve në vend të marrin masa paraprake.
“Sa më shpejtë të veprojmë, aq më pak kufizime do të ketë për popullsinë, ekonominë, familjet dhe grupet e rrezikut,” tha ajo, duke u bërë thirrje të gjithëve që “të punojnë së bashku”.
Qeveria Zvicerane do të diskutojë nëse nevojiten masa të reja për të frenuar përhapjen e virusit. Zvicra ka hequr shumicën e masave të vendosura gjatë valës së parë të madhe të infeksioneve në pranverë, përcjell tutje albinfo.ch.
Maskat e fytyrës janë të detyrueshme në transportin publik në të gjithë vendin, por vetëm rreth gjysma e 26 kantoneve i kërkojnë ato në dyqane dhe hapësira të tjera të brendshme publike.
Në Gjenevë, kantoni më i goditur, autoritetet këtë javë vendosën një kufi për mbledhjet private spontane të vetëm 15 personave, ndërsa demonstratat janë të kufizuara në 100 vetë.
Të ngjashme
Të tjera nga Lajme
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse