Së shpejti, ndërtimi i sallës së parë të tenisit në Bazel

Më së voni në Tetor të vitit 2020, parashihet që salla e tenisit të jetë funksionale.

Edhe pse kishte kundërshtime të banorëve për ndërtimin e një salle tenisi, ato u refuzuan. TC Old Boys dëshiron të fillojë ndërtimin në vjeshtë, në fund të vitit 2020, shkruan e përditshmja zvicerane, Basler Zeitung.

Në tetor të vitit 2020 parashihet që salla e tenisit të jetë funksionale.

“Është një moment i mrekullueshëm”, thotë Presidentja e OB, Marianne Bernet. Salla do të jetë “një moment historik për tenisin në rajonin tonë, për klubin tonë dhe për 300 juniorët tanë”. Në veçanti, gjenerata e ardhshme duhet të jetë në gjendje të përfitojë nga infrastruktura e re. Në vitet e kaluara i mungonte siguria e trajnimit në dimër.

Marco Chiudinelli është gjithashtu i kënaqur të njoftojë: “Me këtë sallë, më në fund do të jetë e mundur të ofrohet trajnim i ri në zonat moderne urbane në kushte bashkëkohore”, thotë kolumnisti BaZ. Chiudinelli, i cili ka përfunduar karrierën e tij profesionale më 2017, është në bordin e TC Old Boys dhe është i përfshirë si ambasador për projektin. Në të njëjtën kohë ai shërben si ndërlidhës i yllit të klubit, Roger Federer.

Ky i fundit ka dhënë “një kontribut thelbësor në projekt”, siç njoftojnë Old Boys. Kostot totale arrijnë në rreth 7 milionë franga, përcjell albinfo.ch.

---