Koronavirusi: çast pas çasti
Serbia ndalon fluturimet me Zvicrën
Serbia mbylli kufijtë e saj të martën për udhëtarët nga vendet më të prekura nga shpërthimi i koronavirusit, përfshirë Zvicrën, për të parandaluar përhapjen e sëmundjes, tha qeveria në një deklaratë
Ndalimi i përkohshëm vlen për njerëzit që vijnë “nga Italia, provinca të caktuara në Kinë, Koreja e Jugut, Irani dhe një pjesë të Zvicrës”. Qeveria serbe nuk tha kur do të hiqet ndalimi ose për cilat pjesë të Zvicrës i është drejtuar, shkruajnë mediat zvicerane, përcjell albinfo.ch.
Ambasada Serbe në Bernë tha se linjat ajrore Air Serbia dhe “Swiss” aktualisht kishin bllokuar fluturimet nga Zvicra për në Serbi.
Deri më tani, katër persona në Serbi, përfshirë një shtetas kinez, kanë dale pozitiv për koronavirusin. Ka mbi 500 raste të njohura në Zvicër dhe tre vdekje të konfirmuara.
“Ambasada e Republikës së Serbisë në Bernë rekomandon që të gjithë qytetarët e Republikës së Serbisë në Konfederatën Zvicerane, në përputhje me udhëzimet e përgjithshme të shërbimeve kompetente zvicerane, të përmbahen nga udhëtimi në Serbi, përveç nëse është e domosdoshme “, tha Natalija Gunjić, zëdhënëse e ambasadës serbe në Bernë.
Zyrtarisht, rreth 71,000 njerëz me origjinë serbe jetojnë në Zvicër (2015), ndërsa rreth 2.300 zviceranë jetojnë në Serbi – shumë me kombësi të dyfishtë.Javën e kaluar, Izraeli gjithashtu urdhëroi udhëtarët që vinin nga Zvicra, Gjermania, Franca, Spanja dhe Austria që të shkonin në karantinë në shtëpi, siç kishte bërë tashmë për ata që ktheheshin nga Italia, Kina dhe Singapori.
Të ngjashme
Të tjera nga Koronavirusi: çast pas çasti
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?