Sport

Shaqa motivohet nga fitorja ndaj Thun-it

E hënë, 29 Gusht 2011 - 14:31 albinfo.ch

Pas ndeshjes së suksesshme të FC Basel kundër ekipit të Thun-it, të cilën bashkëlojtarët e Shaqës e fituan me rezultat 2:1, ekipi nga Bazeli sikur është këndellur. Të gjithë i kanë kthyer sytë nga një fillim më pozitiv në të ardhmen, ndërsa Shaqa parandjen një seri më të suksesshme.

„Sipas mendimit tim, asnjëherë nuk kemi qenë në një krizë më të madhe. Ne jemi ekipi më i mirë në Zvicër dhe për këtë ne duhet të jemi më të respektuarit. Shpresoj se do t`ia fillojmë një serie të mbarë. Me këtë fitore, unë jam motivuar në masë të madhe për të luajtur me Kombëtaren zvicerane”, ka deklaruar nëntëmbëdhjetëvjeçari kosovar.