Futboll
Shaqiri: Është madhështore çfarë kemi arritur
Ylli shqiptar ende është në ‘qiellin e shtatë’, pasi fituan garën më prestigjioze për klube në Evropë
Xherdan Shaqiri është shprehur shumë i lumtur që triumfuan në finale të Ligës së Kampionëve.
“Të Kuqtë” triumfuan në finale kundër Tottenhamit për triumfin e gjashtë në Evropë, shkruan albinfo.ch.
“Ne jemi numër një në Evropë, kështu që ta shijojmë këtë moment. Natyrisht se po mos ta fitonim, do të ishim shumë të zhgënjyer. Ne kemi zhvilluar një sezon tejet të mirë dhe e kemi merituar së paku një trofe”, deklaroi Shaqiri.
Liverpooli për një pikë nuk arriti të shpallet kampion i Anglisë, për të kompletuar një edicion të jashtëzakonshëm.
“Tani kemi fituar titullin më të madh në Evropë, është madhështore. Kjo nuk ndodh çdo ditë. Ne e kemi mposhtur Bayernin, Barcelonën, Porton. Shikoni kualitetin e skuadrës tonë dhe ne e kemi treguar atë edhe në finale. Ne e kemi merituar”, theksoi Shaqiri.
Për të është trofeu i dytë në karrierë, pasi edhe në vitin 2013, e kishte fituar me Bayernin.
“Është një ndjenjë fantastike. Ka kaluar një kohë e gjatë kur Liverpooli e ka fituar këtë trofe, 2005. Është madhështore që t’u jepni tifozëve atë që e meritojnë. Ky klub meriton çdo gjë, stafi, të gjithë që janë përfshirë. Mendoj se ne do të bëjmë një festë të madhe”, deklaroi ylli shqiptar.
“Ky klub ka nevojë të fitojë tituj dhe është mirë që kemi startuar me këtë. Vitin tjetër do të tentojmë ta fitojmë Premierligën. Kjo është ëndrra ime e madhe, ta fitoj Premierligën me këtë klub”, shton tutje futbollisti shqiptar,
“Ne jemi një skuadër shumë e mirë dhe çdo ditë punojmë së bashku, Shpresoj të vazhdojmë kështu, ky është vetëm fillimi dhe mund të fitojmë edhe më shumë tituj”, është shprehur ndër të tjera Shaqiri.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Rritet vjedhja e biçikletave elektrike në Zvicër Në vitin 2023, kantoni i Basel-Stadt kishte incidencën më të lartë të biçikletave të vjedhura, me...
-
Gjeneva, më e pasur
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën
-
Zvicra nuk do të ketë një ‘Indeks të Lumturisë Kombëtare Bruto’