Shaqiri: Flasim kur Kosova të pranohet në FIFA!

"Në rast se FIFA e pranon Kosovën. atëherë unë do ta gjykoj situatën sërish edhe një herë. Por kjo mund të zgjasë me vite..."

Loja në klubin më të fortë botëror të futollit, në Bayern Munih, për Shaqirin,  yllin zvicean e rrënjë shqiptare nga Kosova është jo vetëm nderë por edhe sfidë e përditshme. Konkurrenca për të zënë një vend në 11-shin e ekipit është e pamëshirshme dhe më e fortë se kudo tjetër.

Duke folur për këtë situatë, në një intervitë për gazetën sportive gjermane Sport Information (SI), Shaqiri përkujton se edhe ylli i madh i futbollit gjerman Lukas Podolski vite me parë kishte dështuar në përpjekjet për tu bërë pjesë standarde e Bajernit.

Por, ka shtuar Xherdai, përvoja që merr ai për çdo ditë në këtë klub, është shumë e çmueshme, nuk është diçka që mund të fitohet kudo.

„Futbollisti më i mirë i Zvicrës”, siç e cilëson gazeta Shaqirin, në Zvicër është bërë tashmë ikonë e komunitetit të secondove (gjeneratës së dytë të të huajve). Në verën që vjen ai udheheq Zvicrën si figura kyq në Botërorin në Brazil.

„Por, krahas gjithë kësaj, ende nuk është deri në fund e qartë nëse Federata e Futbollit Zviceran mund të llogarisë në shërbimet e tij – për faktin se në një moment mund të paraqitet çështja e Kosovës. Përfaqësuesja e atdheut të prindërve të tij po bën angazhime intnsive për tu pranuar në FIFA. Ndërsa Shaqiri e shtyn për më vonë këtë çështje delikate. „Sa kohë që nuk ka ende asgjë konkrete, unë nuk kam pse të preokupohem. Në rast se FIFA e pranon Kosovën. atëherë unë do ta gjykoj situatën sërish edhe një herë. Por kjo mund të zgjasë me vite”, ka thënë ylli nga Zhegra për gazetën SI.