Shaqiri, i gatshëm për Zvicrën

Ylli shqiptar, Xherdan Shaqiri ka mohuar se lëndimet janë të lidhura me ushqimin, derisa ka shtuar se po stërvitet maksimalisht për të luajtur kundër Letonisë

(KEYSTONE/Ennio Leanza)

Xherdan Shaqiri thotë se është i gatshëm për ndeshjen ndaj Letonisë që zhvillohet të shtunën nga ora 18:00.

Pavarësisht që nuk ka luajtur që dy muaj, ai thotë se është një profesionist i vërtetë, derisa ka treguar se çfarë ushqimi ha, pas shumë akuzave se lëndimet lidhen me peshën e tij, shkruan ‘Blick’, përcjell albinfo.ch.

“Natyrisht se pas çdo lëndimi ndihesh i zhgënjyer”, ka thënë Shaqiri, i cili ndaj Letonisë do të ketë paraqitjen e 60-të ndërkombëtare. “Unë jam profesionist dhe e di se çfarë duhet të bëjë”, është shprehur ylli shqiptar.

Ai është pyetur vazhdimisht nëse problemet e vazhdueshme me muskujt janë të lidhura me dietën. “Unë jam profesionist dhe e di se çfarë duhet të bëjë”.

“Vetëm për shkak se punoj me ‘Coca-Colan’ nuk do të thotë se unë pi çdo ditë. Lëndimet nuk kanë lidhje me ushqimin. Unë e di se si duhet të sillem”, theksoi Shaqiri.