Lajme
Shaqiri ndihmon fushatën për vaksinim në Zvicër, edhe në gjuhën shqipe
Krahas Shaqirit, fushatën për vaksinim po e ndihmojnë edhe Breel Embolo, Christian Fassnacht, Renato Steffen, Silvan Widmer dhe Andi Zeqiri
Krahas lojtares së kombëtares zvicerane të futbollit për femra, Alisha Lehmann, edhe futbollistë si Shaqiri, Embolo dhe Andi Zeqiri po bëjnë fushatë për vaksinimin kundër virusit korona, shjkruan SDA.ch.
Ata, fushatën po e bëjnë përmes profileve të tyre në Instagram. “Unë jam i vaksinuar” ka shkruar Shaqiri në Instagram, në gjuhën gjermane dhe shqipe.
Postimet në mediat sociale nuk janë një veprim i orkestruar nga ana e SFV (Federatës së Futbollit të Zvicrës), transmeton albinfo.ch.
“BAG na ka pyetur dhe ne kemi ndërmjetësuar kontaktet me lojtarët. SFV vepron vetëm si ndëmjetësuese. Lojtarët kanë reklamuar vaksinimin si individë privatë”, thotë drejtori i komunikimit i SFV Adrian Arnold.
Prandaj, Shaqiri, për shembull, ka pozuar në foto për postimin e tij Pro-Vaksinës, në fanellën e Lyonit.
“Përmes vaksinimit ju mbroni veten dhe të tjerët përreth jush. Në Zvicër ka pasur shumë raste të koronës të cilat kanë prekur emigrantët e pavaksinuar, transmeton albinfo.ch. Duke pasur rrënjët në Ballkan, unë doja të shërbeja si model dhe të reklamoja vaksinimi”, është shprehur Shaqiri në margjina të një takimi me mediat në ekipin zviceran, në hotelin “Royal Savoy” në Lozanë.
Krahas Shaqirit, fushatën për vaksinim po e ndihmojnë edhe Breel Embolo, Christian Fassnacht, Renato Steffen, Silvan Widmer dhe Andi Zeqiri.
Në fillim të shtatorit, në takimin e fundit të ekipit kombëtar, kur ishte fjala për temën e koronës dhe vaksinimit, eksitimi ishte akoma i madh.
Nga njëra anë, ishte komunikimi fatkeq nga Shoqata Zvicerane e Futbollit se ekipi nuk do të vihej në dispozicion të BAG falas për një fushatë vaksinimi, përcjell albinfo.ch. Nga ana tjetër, kishte edhe lajme se Granit Xhaka ishte lojtari i vetëm që as nuk ishte vaksinuar, as shëruar, por që ishte sëmurë nga korona.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Vdekja e ushtarit në Bremgarten cilësohet si vetëvrasje Drejtësia ushtarake konsideron se vdekja e një ushtari të martën në terrenin e parakalimit të Bremgarten...
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën