SHBA: Mbi 25 mijë viktima nga koronavirusi

(AP Photo/Jessica Hill)

Vdekjet nga koronavirusi në Shtetet e Bashkuara të Amerikës gjatë korrikut kanë shënuar rritje prej 25 mijë viktimave dhe rastet u dyfishuan në 19 shtete.

Shtetet e Bashkuara gjatë korrikut e çuan në 4.5 milionë numrin e infeksioneve totale në vend, me një rritje prej 69%.

Sa u përket shifrave të vdekjeve, ato në korrik u rritën 20%, në afro 154,000 në total.

Rritjet më të mëdha ishin në Florida, me mbi 310 mijë raste të reja, të pasuara nga Kalifornia dhe Teksasi me rreth 260,000 secila. Të tri shtetet panë raste të dyfishuara gjatë qershorit.

Rastet gjithashtu janë më shumë se të dyfishuara në Alabama, Alaska, Arizona, Arkansas, Georgia, Hawaii, Idaho, Mississippi, Missouri, Montana, Nevada, Oklahoma, Oregon, Karolina e Jugut, Tenesi dhe Virginia West.

Shtetet e Bashkuara thyen rekordet globale një ditore, kur raportuan mbi 77 mijë raste të reja, më 16 korrik.

Pas një ngritje të shpejtë të numrit të rasteve, shpërthimi duket se po stabilizohet në Arizona, Florida dhe Teksas, shkruan “Reuters”, përcjell albinfo.ch.