Shefi i NATO-s: Duhet të përgatitemi për lajme të këqija nga Ukraina

Sekretari i përgjithshëm i NATO-s, Jens Stoltenberg ka deklaruar se aleanca ushtarake perëndimore duhet të përgatitet për lajme të këqija nga fronti ukrainas, pasi tha se Kievi vazhdon të mbrohet kundër një pushtimi gjithëpërfshirës rus.

“Luftërat zhvillohen në faza. Ne duhet të mbështesim Ukrainën në kohë të mira dhe të këqija. Ne gjithashtu duhet të përgatitemi për lajme të këqija”, ka thënë ai për televizionin gjerman ARD, përcjell albinfo.ch.

Deklarata e tij vjen ndërsa aleatët perëndimorë debatojnë për municionet dhe ndihmën financiare për Ukrainën dhe teksa Moska rrit numrin e trupave të saj.

Ai u bëri thirrje anëtarëve të NATO-s të rrisin prodhimin e municioneve, duke u ankuar për gjendjen e fragmentuar të industrisë evropiane të mbrojtjes.

“Ne nuk mund të punojmë së bashku aq ngushtë sa duhet. Fitorja e Putin nuk do të ishte vetëm një tragjedi për Ukrainën, por edhe një rrezik për aleatët e tjerë. Sa më shumë ta mbështesim Ukrainën, aq më shpejt do të përfundojë lufta”, ai.