Shënohet udhëtari i dymiliontë në aeroportin “Adem Jashari” të Prishtinës

Çdo ditë e më shumë është duke u rritur numri i udhëtarve në Aeroportin Nderkombëtar të Prishtinës.

Sipas të dhënave, ky numër udhëtarësh i procesuar përmes aeroportit vitin e kaluar ishte arritur në fillim të muajit dhjetor, që tregon se në këtë vit kemi rritje rekord të udhëtarëve, duke shënuar udhëtarin e 2-miliontë.

Thuhet se rreth tre milionë euro menaxhmenti i këtij aeroporti filloi me investime shtesë duke investuar në pajisje dhe mjete për procesim të udhëtarëve si dhe në burime njerëzore.

E gjitha kjo po bëhet duke parë këtë trend të rritjes së numrit të udhëtarëve dhe në mënyrë që të ketë kapacitetin e plotë në ofrimin e shërbimeve sa më kualitative dhe në përputhshmëri të plotë me standartet ndërkombëtare të sigurisë.

Raporti tregon se numri i udhëtarëve është rritur për 10.75% krahasuar me periudhën e njëjtë të vitit të kaluar, ndërkaq numri i fluturimeve është rritur për 13.9%, përcjell albinfo.ch.