Lajme
Shkatërrohet rrjeti i drogës me kosovarë dhe zviceranë, arrestohen 15 veta
Gjatë operacioneve të ndryshme policore janë konfiskuar rreth 35 kg lëndë të ndryshme narkotike (kokainë, marihuanë, hashash dhe MDMA) si dhe 45.000 CHF dhe 30.000 euro
Që nga dhjetori 2020, policia kantonale e Friburgut ka hetuar një tregti të madhe droge, të organizuar nga Romont.
Nga hetimet ka rezultuar se bërthama e këtij rrjeti drejtohej nga katër meshkuj të moshës 27 deri në 28 vjeç, shtetas të Zvicrës dhe të Kosovës, me banim në këtë kanton, trasnmeton albinfo.ch. Ky rrjet ishte shumë mirë i organizuar dhe i strukturuar.
Pjesëtarët e tij drejtonin tregtinë e tyre të drogës së bashku, duke përdorur njerëz të ndryshëm për detyra specifike si transporti, ruajtja ose rishitja e mallrave, shkruan polizeinews.ch.
Hetimet e kryera nga policia e kantonit, e udhëhequr nga zyra e prokurorit publik, kanë çuar në arrestimin e gjithsej rreth 80 autorëve të dyshuar. Gjatë operacioneve të ndryshme policore janë konfiskuar rreth 35 kg lëndë të ndryshme narkotike (kokainë, marihuanë, hashash dhe MDMA) si dhe 45.000 CHF dhe 30.000 euro.
15 persona janë dërguar në paraburgim për qëllime hetimi.
Hetimet më vonë kanë zbuluar se ata kishin shitur rreth 100 kg kanabis dhe më shumë se 2.5 kg kokainë, përcjell albinfo.ch. Duhet përmendur se kokaina e konfiskuar është e cilësisë së shkëlqyer dhe ka një shkallë pastërtie dukshëm më të lartë se mesatarja në tregun zviceran.
Përfundimisht, rreth 80 persona u raportuan në prokurorë në shkallë të ndryshme (nga thelbi i rrjetit te konsumatorët) dhe gjashtë autorë të dyshuar janë ende në paraburgim.
E-Diaspora
-
Kori i Filharmonisë së Kosovës do të përformojë me një program të mrekullueshëm në Itali Bëhet e ditur se në qytetin me traditë të vjetër muzikore, në Romë, Kori i Filharmonisë...
-
Krijohet Lidhja e Mësuesve Shqiptarë në Mbretërinë e Bashkuar
-
Blerina, mes grave që po zhvillon inteligjencën artificiale në Itali
-
Familja shqiptare në Diasporë që mbi njëzet vjet çon përpara një art, atë të këpucëtarit
-
Lukas Mandl fton shqiptarët në një tubim madhështor në Baden të Austrisë
Jeta në Zvicër
-
Studimi më i madh rreth kanabisit në Zvicër fillon në Cyrih Në kantonin e Cyrihut, 7500 njerëz do të marrin pjesë në një studim mbi përdorimin e...
-
A mund t’ia dilni pa pasur veturë në Zvicër?
-
Gjuha shqipe, gjuha e huaj më e folur në Zvicër – pas anglishtes
-
Vdes në moshën 81-vjeçare Roger Pfund, ilustruesi i pasaportës zvicerane
-
Bashkimi i shkollës shqipe në Zvicër, një lajm i mirë për të gjithë