Shkëlzen Gashi kalon momente të vështira te Bazeli

Sulmuesi i kombëtares shqiptare i cili luan për “FC Basel”, Shkëlzen Gashi është duke kaluar nëpër momente të vështira në karrierën e tij futbollistike. Golashënuesi më i mirë i Zvicrës në dy vitet e fundit (19 dhe 22 gola) nuk po gjen hapësirë të mjaftueshme nën drejtimin e trajnerit të ri, Urs Fischer në sezonin 2015/2016.

Në ndeshjen e fundit që Bazeli e zhvilloi kundër ekipit Young Boys,(1-0), Gashi ndeshjen e përcolli nga tribuna. Ai nuk ishte ftuar as si rezervist.

Pas ndeshjes, gazetarët zviceranë pyetën trajnerin për mungesën e Gashit, i cili ironikosht ishte përgjigjur. “Ne kemi 28 lojtarë në skuadër, por vetëm 18 janë të lejuar për t`i ftuar për një ndeshje. Edhe Kakitani nuk ishte i ftuar në grup”, ka thënë trajneri Fischer, njofton “albinfo.ch”.

E në anën tjetër futbollisti Gashi, si ngushëllim ka gjetur të bëjë një fotografi me yllin e tenisit Roger Federer i cili është një fans i FC Baselit.