Shkolla gjermane ndalon lutjet për nxënësit myslimanë

Ndalohet falja për nxënësit myslimanë. Drejtoria e shkollës së një gjimnazi në Wuppertal (Gjermani) u ka dërguar një mesazh të brendshëm mësuesve. Kjo letër qarkore u publikua pak më vonë në Facebook dhe tani është bërë temë debati në Gjermani, raporton DerWesten, përcjell albinfo.ch.

Nxënësit myslimanë të shkollave të mesme janë duke u lutur për disa javë në objektet e shkollës, sipas letrës. Rituali i avdesit është kryer në WC. Kësaj duhet t’i jepet fund, thuhet nga drejtoria e shkollës, përcjell albinfo.ch.

Arsyeja për ndalimin e lutjeve: Mësuesit dhe studentët ndihen të shqetësuar nga ritualet fetare.
Edhe qeveria në Düsseldorf ka iniciuar debatin, duke mbështetur planet e shkollës. “Ndalimi i lutjeve ka për qëllim të promovojë bashkëjetesën paqësore dhe për të siguruar paqe në shkollë”, thonë autoritetet në Düseldorf.