Bota
Shkon në 33 numri i të vdekurve nga të nxehtit në Kanada
33 persona kanë humbur jetën si pasojë e një vale të nxehti që ka mbërthyer pjesën jugore të provincës kanadeze Quebec.
Moti i nxehtë nisi të premten e shkuar me temperatura që shkuan në 35 gradë celsius dhe lagështi të lartë.
Numri i viktimave është rritur çdo ditë, këtë javë, me 17 vdekje në total të raportuara deri të mërkurën dhe 33 të regjistruara të enjten.
Vala e të nxehtit është më e rënda që provinca ka përjetuar në dekada. Zyrtarët i kërkojnë njerëzve të pinë ujë me shumicë dhe të qëndrojnë në hije. “Po bëjmë gjithçka që mundemi”, tha kryebashkiakia e Montrealit, Valerie Plante, shkruan TopChannel, përcjell Albinfo.ch.
Qyteti ka hapur pishinat dhe hapësirat me ajër të kondicionuar për publikun. Kryebashkiakia tha se skuadrat e reagimit të shpejtë kanë nisur të shkojnë derë më derë, për të kontrolluar rreth 15 mijë banorë vulnerabël.
Deri më tani, 12 nga 33 viktimat, janë regjistruar në Montreal, qytetin me popullatën më të madhe në provincë. Vala e të nxehtit mund të jetë veçanërisht vdekjeprurëse për të miturit dhe të moshuarit – thanë zyrtarët e shëndetit publik. E sipas tyre, viktimat e regjistruara nuk kishin pasur ajër të kondicionuar.
Temperaturat mesatare në Montreal, në këtë periudhë të vitit, janë zakonisht 25 gradë celsius. Zyrtarët shpresojnë që vala e të nxehtit të ndalet të premten, kur meteorologët thonë se do të bien në rreth 24 gradë celsius.
E-Diaspora
-
Mërgimtari humb jetën në vendin e punës në këtë shtet Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicër: Dy trena janë bllokuar në tunelin midis dy stacioneve Të mërkurën në mëngjes pati një ndërprerje në trafikun hekurudhor midis Cyrih-Hardbrücke dhe Cyrih-Oerlikon....
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf
-
Thun dëshiron të ulë taksat
-
Tonelata naftë derdhen në liqenin e Zug-ut