Shoqëria civile proteston në Tiranë

Në mënyrë simbolike për të kundërshtuar tarifën në Rrugën e Kombit, protestuesit vendosën një laurë (tra) tek hyrja e Kryeministrisë, ku shkruhej ‘dalja falas’

Sot në Tiranë Shoqëria Civile ka mbajtur një marsh protestë kundër siç u tha arrogancës së qeverisë Rama.  “Boll me arrogancë, dhunë dhe koncesione”, “Më arrestoni edhe mua”, ishin disa nga pankartat që mbanin në duar protestuesit.

Marshimi nisi nga parku “Rinia” drejt kryeministrisë, ku shoqëria civile i bën thirrje kreut të qeverisë Edi Rama një mesazh: “se nuk jemi numër, se Shqipëria nuk i përket një grushti të pangopurish por të gjithë qytetarëve shqiptarë, se zgjidhja nuk është dhuna, arrestimet dhe arroganca por dialogu”.

Në mënyrë simbolike për të kundërshtuar tarifën në Rrugën e Kombit, protestuesit vendosën një laurë (tra) tek hyrja e Kryeministrisë, ku shkruhej ‘dalja falas’.