Fotolajmi
Shpërthimet në Paris: Sulm në lagjen Saint-Denis, dy të vdekur dhe tri arrestime
Pesë ditë pas sulmeve në Paris, një sulm policor i shkallës së lartë është nisur para agimit të mërkurën në Saint-Denis, në rrethinat e Parisit. Në shënjestër ishte Abdelhamid Abaaoud, organizator i pretenduar i vrasjeve të 129 personave të premten.
Dy të dyshuar janë të vdekur, duke përfshirë një grua që shpërtheu një bombë, ndërsa një i dyshuar është ende i rrethuar, sipas burimeve policore. Pesë veta janë kapur, prej të cilëve tre ishin në apartamentin e sulmuar nga policia.
Një individ, i cili kishte mbajtur dy veta me prejardhje nga Belgjika në apartamentin e tij, banesa e të cilit është rrethuar nga brigadat policore, është arrestuar, bën të ditur agjencia AFP.
Të paktën tre policë janë plagosur gjatë sulmit. Operacioni u nis rreth 4:30 të mërkurën në mëngjes, në qendër të Saint-Denis, nga Nëndrejtoria e Antiterrorizmit e Policisë Gjyqësore, bëhet e ditur nga burime të afërta me hetimin dhe ndjekjen penale të Parisit.
Operacioni gjithashtu mobilizoi njësi ushtarake dhe helikopterë, ndërsa Francois Hollande është në zyrën e tij në pallatin Elizes me kryeministrin Manuel Valls dhe ministrin e Brendshëm Bernard Cazeneuve.
Objektivi i këtij operacioni të madh është një apartament në Saint-Denis, në cep të lagjes Republikë, në rrugën “Corbillon”, njëzet minuta këmbë nga Stadiumi i Francës, i cili ishte një nga objektivat e sulmit të së premtes.
“Forcat e sigurisë janë shumë të tensionuara dhe janë në gatishmëri”, thotë kryetari i Komunës Didier Paillard për AFP. “Një helikopter është mbi qytet, transporti publik, metro, tramvaj janë ndërprerë”.
Shkollat dhe kolegjet e qendrës së qytetit janë “të mbyllura sot”, thekson prefektura e Seine-Saint-Denis. Njerëzve u është kërkuar të mos largohen nga shtëpitë e tyre.
Të tjera nga Fotolajmi
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?