Bota

Shpëtohen 1500 refugjatë në Mesdhe

Vetëm pak ditë pas aksidentit të rendë të përmbytjes së një anijeje me refugjatë në Mesdhe, të hënën janë shpëtuar plot 1500 refugjatë që ishin rrezik të mbyteshin afër bregdetit të Libisë. Bëhet fjalë për gjithsej shtatë aksione në të cilat është arritur të shpëtohen nga vdekja 1552 persona, bën të ditur roja italiane e bregdetit.

Refugjatët ishin nisur me tri barka dhe katër gomone në rrugën detare nëpër Mesdhe drejt Evropës kur kërkuan ndihmë pasi që do të përmbyteshin.
Në aksionin e shpëtimit të tyre, përveç rojave bregdetare të Italisë kanë marrë pjesë edhe Marina Irlandeze, një barkë e rojave suedeze të bregdetit dhe aksioni privat për shpëtim i Maltës MOAS.

Pas tragjedisë së rëndë që kishte ndodhur në muajin prill me qindra të mbytur, ishin shtuar mjetet për aksionin “Triton” të mbrojtjes se kufijve të BE-së.