Bota

Shpëtohen të gjithë futbollistët e ngujuar në një shpellë në Tajlandë

Siç është raportuar nga vendi i ngjarjes të gjithë djelmoshat janë mirë me shëndet dhe nuk kanë ethe

Në aksionin e shpëtimit të 12 djelmoshave dhe trajnerit të tyre që për disa ditë ngecën në një shpellë, gjatë ditës është shpëtuar edhe personi i fundit. Ekipet e shpëtimit herët në mëngjes kishin vazhduar aksionin për të nxjerrë nga shpella edhe pesë personat e mbetur, e shiu në atë zonë e kishte vështirësuar shumë situatën.

Siç është raportuar nga vendi i ngjarjes të gjithë djelmoshat janë mirë me shëndet dhe nuk kanë ethe. 12 djelmoshat në moshë nga 11 deri në 16 vjet dhe trajneri i tyre ndodheshin të bllokuar në këtë shpellë që nga 23 qershori.

Zhytësit i gjetën ata në një pjesë të shpellës rreth 4 kilometra nga hyrja. Për më tepër shkaku i kushteve klimatike edhe shpëtimtarët disa herë ngecën në aksionin e tyre derisa një zhytës kishte vdekur para disa ditësh.