Shqiperia
Shpresë për azilkërkuesit shqiptarë në Britani
Azilkërkuesit shqiptarë që preken nga ligji i ri i ashpër i emigracionit në Britaninë e Madhe kanë një motiv për të qëndruar të qetë përkohësisht, pasi deportimi për në Ruanda po shkon drejt dështimit.
Kjo pasi, stafi i Home Office dhe Forcave Kufitare kanë paralajmëruar se do të nisin grevat nëse u kërkohet të mbështesin planet e ashpra të qeverisë për emigracionin.
Paralajmërimin e ka bërë sot një figurë e lartë e sindikatave të Shërbimeve Publike dhe Tregtare, e cila qartësoi se anëtarët e saj mund të largohen në vend që të ndihmojnë në dërgimin e të dëbuarve në Ruanda, ose të zbatojnë masat e mara për të trajtuar numrin e lartë të emigrantëve që kalojnë kanalin Anglez me gomone.
PCS, e cila ka dhjetëra mijëra anëtarë, i është bashkuar tashmë veprimeve ligjore kundër skemës së Ruandës, e nënshkruar me një kosto prej 120 milion £ për buxhetin e Britanisë së Madhe, transmeton A2 përcjell albinfo.ch.
Prej kësaj skeme ende nuk është arritur të depërtohet asnjë emigrant për shkak të përballjes me një numër të madh sfidash ligjore.
PCS është gjithashtu kundër projektligjit të imigracionit të paligjshëm, i cili do t’i ndalojë të ardhurit me gomone të aplikojnë për të qëndruar në bazë të ligjit për skllavërinë moderne ose konvestës së të drejtave të njeriut.
Ky paralajmërim nga sindikatat vjen në një kohë kur ministrat në Britani do të nisin një fushatë reklamuese që synon drejtpërdrejt emigrantët e mundshëm për t’i penguar ata të tentojnë të hyjnë në ishull me gomone.
Reklama e mediave sociale do të shfaqet kryesisht në Shqipëri. Një reklamë tregon policinë që ndalon një emigrant, ndërsa një tjetër tregon një gomone të mbushur plot.
Të dyja kanë paralajmërime në anglisht dhe shqip se nëse shkojnë në Britani ilegalisht do të përballen me ndalim dhe depërtim.
Ndërkohë, ministri i Emigracionit Robert Jenrick do të nisë një ‘tur emigracioni’, duke vizituar këtë javë Algjerinë, Tunizinë, Italinë dhe Francën.
Të ngjashme
Të tjera nga Shqiperia
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën