Shqipëria
Shqipëri: 97 për qind e pacientëve të hospitalizuar nga Covid, të pavaksinuar
Sikurse edhe në vendet e tjera, edhe në Shqipëri spitalet të cilat trajtojnë pacientët me Covid-19 raportojnë se kanë të bëjnë kryesisht me persona të pavaksinuar, shkruan Albinfo.ch.
Drejtoresha e Spitalit Infektiv, Najada Çomo, tha për mediat atje se nëse do të kishte një përqindje të popullatës edhe më shumë të vaksinuar, numri i personave të ardhur për të kërkuar shtrim në spital me Covid do ishte më i pakët.
“Është një trend i përditshëm me rreth 20 pacientë, që kërkojnë ndihmë mjekësore. Numri i të shtruarve në spital është e grupmoshave të ndryshme, duke nisur nga mosha 18 deri mbi 90-vjeçare. Për virusin që flitet aktualisht është Omicron, por janë edhe të infektuar të Deltës, edhe pse nuk i bëjmë të gjithë tamponët për të evidentuar specifikisht Delta apo Omicron”, tha Çomo.
Sipas saj, mbi 90 për qind e pacientëve të shtruar në spitale janë të pavaksinuar.
“Ajo që dua të theksoj është se në spital mbizotërojnë personat, që janë të pavaksinuar. Mbi 95-97% janë persona të pavaksinuar, një 2-3% janë edhe persona të vaksinuar që kanë sëmundje kronike në mënyrë të padiskutueshme dhe që ndonjëherë sëmundja e tyre kronike mund të bëhet shkak, duke kërcënuar jetën e pacientit. Ne kemi parë pacientë me të tëra llojet e vaksinave dhe asnjë vaksinë nuk mund të thuash se është vaksina që të sjellë apo nuk të sjellë në spital. Me të tëra llojet e vaksinave na kanë ardhur të sëmurë në spital, pra nuk ka ndonjë specifikë lloji i vaksinës”, theksoi Çomo.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?