Shqipëria
Shqipëri: Më 9 qershor mblidhet Kuvendi për shkarkimin e Metës
49 deputetë nga Partia Socialiste kanë kërkuar shkarkimin e presidentit, pasi i kanë cilësuar thirrjet e tij gjatë fushatës elektorale të zgjedhjeve të 25 prillit si antikushtetuese
Konferenca e Kryetarëve ka caktuar 9 qershorin si datën e seancës plenare, në të cilën Kuvendi do të votojë raportin e Komisionit të Posaçëm Hetimor për kërkesën e shkarkimit të presidentit Ilir Meta nga detyra.
Seanca e të mërkurës, më 9 qershor, do të mblidhet në orën 10:00.
49 deputetë nga Partia Socialiste kanë kërkuar shkarkimin e presidentit, pasi i kanë cilësuar thirrjet e tij gjatë fushatës elektorale të zgjedhjeve të 25 prillit si antikushtetuese.
Për këtë, Kuvendi miratoi ngritjen e një komisioni të posaçëm hetimor.
Ky komision kërkonte paraqitjen e detyrueshme të presidentit në seancë dëgjimore. Pavarësisht kësaj, ky i fundit nuk ka pranuar të jetë prezent në mbledhje, duke e shkelur ligjin.
Përpos këtij fakti, Komisioni e gjeti fajtor Metën për pretendimet e mazhorancës. Mbi këtë fakt, shumica kërkoi shkarkimin nga detyra të presidentit.
Për ta faktuar këtë, socialistëve u duhen 94 vota pro shkarkimit, raporton Ap, përcjell Albinfo.ch.
Por, fjalën e fundit e ka gjithsesi Gjykata Kushtetuese, në të cilën shkon vendimi përfundimtar i Parlamentit. Nëse presidenti mbetet ose jo në detyrë, është vendim i Kushtetueses.
Pse po kërkohet shkarkimi i presidentit Ilir Meta?
Akuzat e mazhorancës janë mbi përfshirjen e Metës në fushatën zgjedhore dhe nxitjen e akteve të dhunës në fushatë.
Kjo është hera e dytë që një nismë e tillë shkon në Parlament, brenda dy vjetëve.
Të parën, mazhoranca e ngriti pas dekretit të presidentit mbi anulimin e zgjedhjeve të 30 qershorit 2019.
Ajo u kthye në një rezolutë të votuar me 100 vota pro në seancën e 13 qershorit të vitit 2019.
Meta i ka quajtur këto akuza “shashka”, duke kërkuar përqendrim në mbylljen e procesit zgjedhor.
Të tjera nga Shqipëria
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane