Shqipëri: Nga nesër ndryshon ora policore, masa të reja

Data 1 korrik do të lejojë prezencën e spektatorëve edhe në aktivitetet e teatrove, shfaqjeve artistike dhe kulturore si dhe konferencave

Nga dita e nesërme ora policore do të shtyhet me një orë. Pra, izolimi i pjesshëm do të nisë nga ora 00:00 deri në 06:00 të mëngjesit.

Gjithashtu nga nesër do të lejohen kampionatet sportive me prezencën e tifozëve me kapacitete deri në 30% duke ruajtur distancën sipas protokollit të miratuar nga ISHP.

Data 1 korrik do të lejojë prezencën e spektatorëve edhe në aktivitetet e teatrove, shfaqjeve artistike dhe kulturore si dhe konferencave.

Rastet e infeksioneve në Shqipëri kanë ardhur çdo ditë duke u ulur. Në 24 orët e fundit u shënuan 7 raste të reja, ndërkohë që nuk është shënuar asnjë humbje jete, raporton Abcnews, përcjell Albinfo.ch.

Çfarë ndryshon nga data 1 korrik?

Ora policore shtyhet në orën 24.00 -06:00.

Orari për muzikën nuk ndryshon, pra do të mbetet ora 22:00.

Lejohen kampionatet sportive me prezencë të tifozëve me kapacitete të reduktuara deri në 30% sipas protokollit të ISHP-së.

Lejohen aktivitetet e teatrove, shfaqjeve artistike dhe kulturore, konferencave, me kapacitet të reduktuar deri në 30% të spektatorëve apo pjesëmarrësve, sipas protokolleve të ISHP-së.

 

---