Shqipëri: Opozita paralajmëron vazhdimin e protestave

Tri orë ka zgjatur protesta paqësore e opozitës në Shqipëri. Pasi dorëzuan mandatet si deputetë, kryetari i Partisë Demokratike, Lulzim Basha dhe kryetarja e LSI-së, Monika Kryemadhi, e kanë mbyllur protestën. 

Ata kanë paralajmëruar se protestat do të vazhdojnë në gjithë vendin. Në mbyllje të protestës, Basha ka nisur të këndojë himnin kombëtar së bashku me protestuesit. Ai ka thënë se Shqipëria do të jetë e njerëzve të ndershëm që duan t’i japin fund padrejtësisë. “Së bashku me vullnetin tuaj, me zgjedhje evropiane do të kemi një qeveri të popullit, për popullin dhe nga populli”, përcjell albinfo.ch.

Shqipëria do të ketë një të ardhme, ky është mesazhi i gjithë popullit. Bëhuni gati anembanë vendit. Zoti e bekoftë Shqipërinë, fitore”, ka theksuar Basha. Kryetarja e Lëvizjes Socialiste për Integrim, Monika Kryemadhi, ka thënë se kjo qeveri është zgjedhur me votat e krimit dhe duhet të largohet sa më parë.