Shqipëria shkroi historinë ndaj Greqisë

Vashat kuqezi shpërthyen nga gëzimi, kurse ato greke qanin pas kësaj humbjeje. Ky po vlerësohet sukses historik për Kombëtaren shqiptare te femrat

Fitorja e Shqipërisë ndaj Greqisë 2:1 në konkurrencën e femrave po vlerësohet si sukses historik, raporton albinfo.ch.

Vashat kuqezi triumfuan 2:1 në minutat shtesë dhe me këtë fitore siguruan kualifikimin në fazën tjetër, derisa Greqia u eliminua. Doçi shënoi në minutën e 16-të për Shqipërinë, derisa goli i fitores erdhi nga Fortuna Velaj në minutën e 90-të.

Vashat kuqezi shpërthyen nga gëzimi, kurse ato greke qanin pas kësaj humbjeje. Ky po vlerësohet sukses historik për Kombëtaren shqiptare te femrat.

Futbollistja Velaj ishte shumë e lumtur për golin, fitoren dhe kualifikimin. “Momenti kur humba penalltinë mendova se prapë do të kemi shanse të tjerë dhe ishte e rëndësishme të mos demoralizoheshim. I patëm shumë shanse dhe shënova. Te goli thjesht iu luta Zotit që të mos ishte pozicion jashtë loje”, ka thënë ajo pas ndeshjes.

Ndërkohë, në këtë grup ishte edhe Kosova që u mposhtë nga Malta 3:1. Për vashat kosovare kjo ishte humbja e tretë në tri takimet e zhvilluara.