Shqiptarët e dërgojnë Zvicrën në gjysmëfinale të Evropianit U21

Dy golat e Admir Mehmedit sigurojnë gjysmëfinalen e kampionatit evropian U21 për kombëtaren e Zvicrës

Kombëtarja U21 e Zvicrës është kualifikuar në gjysmëfinale në kampionatin evropian të kësaj kategorie me fitoren e merituar kundër Bjellorusisë, me rezultat 3:0.

Dy golat e parë në pjesën e parë të kësaj ndeshje i ka shënuar Admir Mehmedi, i cili ka qenë më i merituari për fitoren e Zvicrës ndaj Bjellorusisë pa anashkaluar Xherdan Shaqirin, Granit Xhakan dhe Amir Abrashin.

Por, Xhaka është ndëshkuar me karton të verdhë, kështu që ai nuk do të ketë mundësi të angazhohet me kombëtaren zvicerane në ndeshjen gjysmëfinale.

Goli i parë i Mehedit erdhi në minutën e 6-të, në ekzekutimin e penaltisë, ndërsa goli i dytë përfundoi në rrjetin e ekipit kundërshtar në miniutën e 42-të, nga një kombinim i shkëlqyer ndërmjet Granit Xhakas dhe Admir Mehmedit.

Golin e tretë e shënoi Frank Feltscher, pas një pasimi me mjeshtëri të Amir Abrashit.

Xherdani Shaqiri këtë here nuk shënoi, por po ashtu ishte dominant në fushë dhe disa herë ishtë në pozicion për të shënuar.

Zvicra bën pjesë në grupin A së bashku edhe me Danimarkën, Islandën e Bjellorusinë. Në grupin B, që vlerësohet më i vështirë, garojnë Anglia, Ukraina, Spanja e Çekia.