Shqiptarët e Zvicrës sërish ftohen nga Kosova

Valon Dedaj dhe Luigj Quni sërish janë ftuar për Kosovën në ndeshjet kundër Estonisë në fillim të muajit janar

Përfaqësuesja e Kosovës në hendboll në fillim të muajit janar do të ndeshet me Estoninë, kurse edhe për këto takime, përzgjedhësi Taip Ramadani ka ftuar edhe dy hendbollistët shqiptarë nga Zvicra, Valon Dedaj dhe Luigj Quni, shkruan albinfo.ch.

Dy lojtarët kanë qenë shtylla kryesore në ndeshjet e fundit të Kosovës dhe pritet që ndihmë të madhe të japin edhe në përballjet me Estoninë që zhvillohen më 4 dhe 8 janar.

Për këto dy ndeshje janë ftuar edhe disa lojtarë që luajnë në liga evropiane si Flamur Gërbeshi në Suedi, Florim Hoxha në Gjermani, Roland Ndreca në Gjermani, Etrit Xhafolli në Gjermani dhe Fatlum Ahmeti në Suedi.

Luigj Quni është ftuar edhe nga Kosova U-21, derisa nga kjo Përfaqësuese është ftuar edhe hendbollisti tjetër, i cili luan në Zvicër, Rinor Avdulli.