Shqiptarët në Zvicër ndihmojnë familjet në nevojë për festat e fundvitit

Ari Shkodra dhe Iliriana Shkodra janë dy shqiptare nga Kosova të cilat kanë shprehur vullnetin që të ndihmojnë familjet në nevojë.

Dy gjilanaset të cilat jetojnë dhe veprojnë në Zvicër, kanë zgjedhur që në Kamnicë të bëhen pjesë e shpërndarjes së ushqimeve në familjet të cilat kanë nevojë për festat e fundvitit.

Me anë të një njoftimi, Kryqi i Kuq- Dega në Kamenicë, ka njoftuar se Ari dhe Iliriana kanë konribuar për të mbledhur të holla dhe ndihma me kolegët e tyre në Zvicër duke shitur ëmbëlsira, paratë e të cilave do të shkonin tek familjet në nevojë, shkruan Albinfo.ch.

“Dy motra, dy humaniste, dy vullnetare me pune në Zvicër me vendbanim në Gjilan me prejardhje nga Desivojca me mbiemër Shkodra, i dhanë vetit një obligim humanitar, qe te punojnë ëmbëlsira dhe ti shesin në treg e në restorante në Zvicër që të grumbullojnë mjete financiare për familjet me gjendje të rend sociale në vendlindje”, thuhet në njoftimin e Kryqit të Kuq.

Sipas njoftimit: “Ari dhe Iliriana Shkodra ja arritën qëllimit të tyre, grumbulluan mbi 11.000 mijë Euro i sollën ne vendlindje dhe gëzuan me dhjetëra familje me pako ushqimore, higjienike me rroba e lënde dejkëse. Mbesim me shpresë se edhe te tjerë do ta ndjekin rrugën e tyre qe sa ma shume familje ta kenë një vetëbesim dhe ta dojën vendlindjen e tyre”, thuhet në fund të njoftimit.