Shqiptarët rrihen me afganët në Gjermani

Azilkërkuesit shqiptarë në Gjermani sërish janë vënë në qendër të vëmendjes.

Sipas mediave gjermane një ngjarje e rëndë është regjistruar në qytetin gjerman Kunzell, ku ka ndodhur një përleshje mes një grupi të rinjsh shqiptarë dhe afganë të moshës mes 14 – 18 vjeçarë, përcjell albinfo.ch.

Siç ka njoftuar policia gjermane gjatë ditës së sotme, një grup prej tetë shqiptarësh janë rrahur me një grup tjetër prej katër afganësh.

Ngjarja ka ndodhur të enjten në rrugën kryesore të Dietershausen-it. Ata janë rrahur në stacionin e autobusëve ku pas daljes së katër afganëve në pritë, atyre iu janë përgjigjur tetë shqiptarë. Të rinjtë kanë përdorur thika dhe sende të forta gjatë përleshjes, shkruajnë mediat gjermane, njofton albinfo.ch.

Të gjithë të rinjtë ishin njohur në një kamp refugjatësh. Shkak për këtë rast ishte një mosmarrëveshje që të dy grupet e kishin një ditë më parë. Se për çfarë ishte fjala, ende nuk është bërë e qartë.

Policia gjermane arriti të arrestojë katër prej tetë shqiptarëve, ndërsa të tjerët janë në kërkim. Në anën tjetër afganët e plagosur kanë arritur të ikin përkohësisht.

Albinfo.ch