Financa
Shqiptarët, të pakënaqur me gjendjen financiare
Më shumë se gjysma e familjeve shqiptare janë të pakënaqura me gjendjen e tyre financiare.
Ky përfundim vjen nga barometri publik i Ballkanit, një sondazh i kryer me sponsorizimin e këshillit të bashkëpunimit rajonal.
Më konkretisht, 55 për qind e familjeve shqiptare janë shprehur të pakënaqura ose totalisht të pakënaqura me gjendjen financiare që po kalojnë dhe vetëm 22 për qind kanë dhënë vlerësim pozitiv.
Kjo i bën shqiptarët popullin më të pakënaqur me gjendjen e tyre financiare në Ballkan, duke pasur madje diferencë jo të vogël me vendet e tjera të rajonit.
Në vendin e dytë pas Shqipërisë, për perceptimin negativ të gjendjes financiare renditen boshnjakët. Sipas barometrit, 52 për qind e familjeve boshnjake raportojnë një situatë të vështirë financiare, të ndjekura më pas nga Serbia me 44 për qind dhe Maqedonia me 39 për qind.
Edhe pse rritja ekonomike e Shqipërisë sipas shifrave zyrtare është forcuar gjatë viteve të fundit, shqiptarët perceptojnë të kundërtën. Pjesa e familjeve të pakënaqura me situatën e tyre financiare ka shënuar rritje, ndërkohë që vetëm një përqindje e vogël e tyre perceptojnë gjendje të mirë financiare.
Barometri publik i Ballkanit është një sondazh i kryer me financim të këshillit rajonal të bashkëpunimit. Sipas dokumenteve, për kryerjen e këtij sondazhi janë intervistuar mbi 6.200 familje, në 6 vendet e rajonit, për një sërë temash, jo vetëm ekonominë, por edhe rendin, sigurinë, korrupsionin e shumë të tjera, shkruan Top Channel.
Të ngjashme
Të tjera nga Financa
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën