Lajme

Shqiptari rrëfen momentin kur aeroplani humbi ekuilibrin

Momente paniku dhe frike kanë përjetuar pasagjerët e aeroplanit të kompanisë turke ‘Turkish Airlines”.

Mësohet se aeroplani i linjës Stamboll-New York ka hyrë në masa ajrore të forta dhe ka humbur ekuilibrin.

Mediat turke raportojnë se aeroplani i nisur nga Stambolli në momentin që ka hyrë në fushën ajrore të SHBA-së është futur në masa të forta ajrore dhe për pasojë ka ndikuar në ekuilibrin e avionit.

Pas kësaj u shkaktua panik te pasagjerët dhe 28 prej tuye morën plagë të lehta, shkruan KK, përcjell albinfo.ch.

Ndër ta ishte edhe një shqiptar, Sead Nikaj, i cili u shpreh për gazetën amerikane ‘New-York Times’ se pas kësaj që pa me sytë e tij, nuk do të hipë më në avion.

“Po kthehesha nga Shqipëria dhe 40 minuta para uljes në New York u përplasëm me rryma ajrore. Pas një periudhe qetësie sërish u përplasëm me një rrymë më të fortë. Njerëzit filluan të bërtasin dhe të luteshin për jetën. Kurrë më parë nuk kisha përjetuar një gjë të tillë”, tha ai, raportojnë mediat.

E megjithatë, të gjithë të lënduarit janë jashtë rrezikut për jetën dhe vetëm disa prej tyre kanë thyerje të kockave.