Shtatzënia: Ligji për diagnozë paraimplantuese dhe mbështetësit e tij

Diagnoza paraimplantuese është e nevojshme për të siguruar një trajtim optimal për çiftet sterile apo që kanë sëmundje serioze gjenetike. Kjo teknikë është e rregulluar në mënyrë strikte, ka bërë të ditur të hënën komisioni ndërpartiak, i cili ka mbështetur ligjin e ri.

Në mesin e rregullave më të rrepta në Evropë në këtë fushë, ky ligj ka për qëllim zbatimin e amendamentit kushtetues të miratuar me referendum me 61.9 % të votave në qershorin e fundit. Ky ligj është  kundërshtuar nga qarqet e referendumit të paraqitur nga Partia engjelike, nga meset krishtere si dhe nga organizatat e të drejtave të personave me aftësi të kufizuara.

Diagnoza gjenetike paraimplatantive (DGJP) përfshin vetëm disa qindra raste në vit. Kjo teknikë, e praktikuar qe njëzet vjet jashtë vendit, mundëson bërjen e dallimit të një embrioni të shëndetshëm nga ai që vuan nga ndonjë anomali para implantimit në mitër.

T’u shmangemi testeve të shtatzënisë

Për mbështetësit e tij, DGJP-ja parandalon shtatzënitë e shumta, faktor rreziku për nënat e ardhshme. Kjo gjithashtu eliminon problemin e një “shtatzënie test”. Aktualisht, analiza kromozomale mund të kryhet vetëm gjatë shtatzënisë.

Por, kur konstatohet “problemi gjenetik”, shumica e çifteve zgjedhin të ndërpresin shtatzëninë dhe ta provojnë përsëri. PGJD-ja do t’ua parandalonte këtë barrë shtesë, argumentojnë mbështetësit e saj. Përveç kësaj, çiftet nuk do të kishin më nevojë të shkojnë jashtë vendit për një trajtim të tillë.