Maqedonia
Maqedoni: Shtyhet për nesër seanca për ndryshimet kushtetuese
Ka përfunduar dita e parë e diskutimeve rreth fazës së tretë dhe finale të ndryshimeve kushtetuese.
Ashtu siç ishte paralajmëruar, kjo seanca po mbahet pa deputetët e VMRO-DPMNE-së, por mazhoranca është e bindur se e ka shumicën e nevojshme prej 80 deputetësh.
Në fjalimin e tij, kryeministri Zaev falënderoi për mbështetjen edhe partitë shqiptare dhe deputetët e etniteteve të tjera në këtë moment, siç u shpreh ai, historik për vendin.
“Ne jemi gjenerata që i mënjanojmë problemet e vjetra. Kemi vendim të çiltër për identitetin maqedonas, identitetin maqedonas për përdorim të përgjithshëm, më në fund. Gjuha maqedonase do të flitet lirshëm gjithkund”, tha kryeministri i vendit Zoran Zaev në paraqitjen e tij para deputetëve, shkruan AlsatM, përcjell albinfo.ch.
Kryeministri u bëri thirrje deputetëve të bëhen pjesë e atyre që Maqedoninë do ta dërgojnë në familjen europiane.
“Kemi marrëveshje me pika të qarta për të ardhmen tonë si shtet. Askujt asgjë nuk i kemi falur. Askush asgjë nuk na mori. Zgjidhni në mes të ardhmes europiane dhe izolimit.
Bota na sheh dhe pret nga ne përgjegjësi shtetërore, porositi mes tjerash nga foltorja e Kuvendit kryeministri Zoran Zaev.
Gjithashtu kryeministri Zoran Zaev sot në seancën për ndryshimet kushtetuese iu drejtua deputetëve, duke nënvizuar rëndësinë e votës pro ndryshimeve kushtetuese.
Zaev falënderon 8 deputetët e përjashtuar nga VMRO-ja, shkruan AlsatM, përcjell albinfo.ch.
“Vendimi juaj pozitiv sot këtu në Kuvend e ofron Maqedoninë deri te anëtarësimi në NATO, deri aty ku flamuri i Maqedonisë do të valojë me krenari në Bruksel, bashkë me flamujt të vendeve të tjera anëtare. Por gjithashtu e bën të qartë mundësinë që në qershor t’i hapim kapitujt e parë në bisedimet me Bashkimin Evropian, të cilat duhet t’i përmbyllim në vitin 2025”, deklaroi Zaev.
E-Diaspora
-
Bashkëpunim mes studentëve të Universitetit të Lucernit dhe atyre nga Maqedonia Sot u shënua fillimi i javës së dytë përforcuese në Shtip mes studentëve nga Universiteti i...
-
Bashkëpunim mes Kosovës dhe Suedisë në fushën e teknologjisë
-
Gjykimi i shqiptarit për vrasjen e dyfishtë në Bazel, nën masa të forta sigurie
-
Dikur i mbylli, LDK tani me prioritet riaktivizon nëndegët në mërgatë
-
Shoqata ‘Smira” mbledh bashkatdhetarët në Gjenevë
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët