Shumica e kantoneve duan hapjen e tarracave të restoranteve, nga marsi

Një shumicë e ngushtë e kantoneve kërkon hapjen e zonave të jashtme në hotelier që nga 1 marsi 2021 - në përputhje me konceptet e rrepta të mbrojtjes

Konferenca e Drejtorëve Kantonalë të Shëndetit (GDK) ka bërë komentimet e saj mbi propozimet e bëra nga Këshilli Federal për masat e zbutjes së bllokimit, raporton srf.ch.

Kantonet parimisht përkrahin planin e Këshillit Federal për të hequr gradualisht masat kundër pandemisë dhe kështu për të shmangur “efektin yo-yo” sa më shumë që të jetë e mundur.

Por, pothuajse gjysma e kantoneve dëshirojnë intervale më të shkurtra kohore për hapje, në varësi të zhvillimit të situatës.

Për shembull, restorantet duhet të hapen më herët sesa propozon Këshilli Federal, transmeton albinfo.ch. Sipas kësaj, një shumicë e ngushtë e kantoneve kërkon hapjen e zonave të jashtme në hotelier që nga 1 marsi 2021 – në përputhje me konceptet e rrepta të mbrojtjes.

Ndërsa Këshilli Federal do të dëshironte të rihapte restorantet në natyrë (tarracat) jo më herët se në prill.

Nëse qeveria federale i nënshtrohet këtij presioni të kantoneve, tarracat do të duhet të hapen të paktën në zona të hapura të skive, përcjell albinfo.ch. Në këtë mënyrë, tubimet e njerëzve mund të parandalohen më mirë, sipas deklaratës së GDK. Disa kantone tashmë e lejojnë këtë.

Këshilli Federal pritet të vendosë për hapat e ardhshëm të zbutjes, të mërkurën, më 24 shkurt

LAJME INTERESANTE NGA INTERNETI