Autotech
Si ta ndizni veturën kur është ftohtë?
Kur vetura nuk ndizet, kjo shpesh ndodh sepse vaji i motorit është ‘trashur’ nga qëndrimi në të ftohtë, gjë që rrit fërkimin dhe e bën më të vështirë rrotullimin e mekanizmit të motorit
Vetura të mbuluara me brymë, motorë që nuk ndizen dhe rrugë me akull, janë disa nga vështirësitë e shumta që sjell stina e dimrit, sidomos në këto ditë.
Megjithatë, ka disa metoda për të ndezur veturën. Jo shumë ndryshe nga njerëzit që kanë nevojë për shtresa të rrobave për t’u mbrojtur nga temperaturat e ulëta, vetura gjithashtu mund të ketë nevojë për një përgatitje të vogël para se të niset për rrugë.
Kur vetura nuk ndizet, kjo shpesh ndodh sepse vaji i motorit është ‘trashur’ nga qëndrimi në të ftohtë, gjë që rrit fërkimin dhe e bën më të vështirë rrotullimin e mekanizmit të motorit, shkruan ‘Scan’.
Moti i ftohtë dhe i lagësht gjithashtu mund të shkaktojë shkatërrimin e baterisë, pasi sistemeve elektrike të automjeteve u duhet të punojnë shumë më shumë se zakonisht, përcjell albinfo.ch.
Duke lënë motorin tuaj të veturës të veprojë para se të ngisni veturën, në të vërtetë nuk ndihmoni, por vetëm rrisni përdorimin e karburantit.
Veturat më të vjetra se 20 vjet kanë nevojë për pak ngrohje para se të nisen nëpër mot të ftohtë, por motorët më modernë rregullojnë temperaturën në përputhje me rrethanat, kështu që ekspertët e makinave thonë se ju nuk keni pse ta lini makinën tuaj të ndezur për më shumë se 30 sekonda përpara se ta ngisni.
Derdhja e ujit të ngrohtë në xhamin e ngrirë mund të duket si një ide e mirë, por në të vërtetë mund të çojë në shkatërrimin e xhamit nëse ka ndonjë krisje të vogël në të.
E rëndësishme është edhe përdorimi i vajit të duhur. Kontrolloni manualin e veturës suaj për të gjetur se cili vaj duhet përdorur në kushte të ftohta. Vajrat moderne sintetikë rrjedhin mjaft mirë në të ftohtë, për sa kohë që përdorni të duhurin.
Ju do të duhet të përdorni një vaj multi-peshë, të përcaktuar nga dy numra (të tilla si 10W-40). Numri i parë me W, është për fjalën ‘dimër’ (Winter); Një numër më i vogël do të thotë rrjedhje më e lehtë. Vajra 5W dhe madje 0W- ekzistojnë, por kontrolloni manualin tuaj.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor