Sinan Bytyqi, 16 vjeçari në provë te Manchester City!

Në shtëpinë e 16 vjeçarit kishte cingëruar telefoni. Në anën tjetër ishte një përfaqësues i skuadrës së Premier Ligës, Manchester City

Sinan Bytyqi është vetëm 16 vjeç dhe po sheh t`i realizohet një ëndërr për të cilën moshatarët e tij nuk mund as ta ëndërrojnë: të kërkohet nga klubi i madh i futbollit, Manchester City. Bytyqi nuk është kushdo. Ai luan në rolin e mesfushorit tashmë në kombëtaren U17 të Austrisë.

Siç shkruajnë mediet austriake, ai është lojtari i parë i këtij vendi që kërkohet nga skuadra angleze. “Manchester City është i njohur për faktin se blen lojtarë nga e gjithë bota. Por nga Austria deri më tash nuk ishte asnjë që do të hynte në rrethin e ngushtë. Kjo mund të ndryshojë së shpejti, shkruan portali nön.at.

“Citizens” ia kanë vënë syrin lojtarit të kombëtares U17 Sinan Bytyqi dhe e kanë ftuar mesfushorin 16 vjeçar në një trajnim testues në “ishull”. Bytyqi luan për Akademie të Admira . “Është diçka madhështore”, ka thënë menaxheri i skuadrës së tij.

Pas fitores së skuadrës U17 të Austrisë kundër Qipros me rezultatin 2:0, në shtëpinë e 16 vjeçarit kishte cingëruar telefoni. Në anën tjetër të telit ishte një përfaqësues i skuadrës së Premier Ligës angleze Manchester City.

Ai i ofroi të riut shqiptar një stërvitje provuese në Angli. Në rast se do ta pëlqejnë üerformancën e tij, anglezët do ta angazhojnë në “punëtorinë” e tyre të talenteve.

Siguirisht, Sinani nuk kishte menduar dy herë dhe kishte thënë: “Po, Manchester City është klubi im i preferuar”.

Koha e saktë e shkaurjes në Angli ende nuk është përcaktuar, por do të jetë pas përfundimit të kampionatit në Austri, gjatë nëntorit