Lajme

Singapori konfirmon rastin e parë me hepatit akut

Singapori ka konfirmuar një rast me hepatit akut tek një foshnjë 10-muajshe dhe po heton për rastet e tjera të sëmundjes së inflamacionit të mëlçisë.

Ministria e Shëndetësisë të Singaporit tha se testimi laboratorik ka përcaktuar se rasti është negativ për viruset e zakonshme që shkaktojnë hepatitin.

Foshnja ka qenë e infektuar me COVID-19 në dhjetor, edhe pse nuk ka asnjë provë aktuale që hepatiti akut është i lidhur me koronavirus.

Ende nuk dihet shkaku i sëmundjes, ndërsa shumë studiues po studiojnë një familje patogjenësh, të quajtur adenoviruse, që shkaktojnë një sërë sëmundjesh duke përfshirë ftohjën e zakonshme.

Zyrtarët amerikanë të shëndetësisë kanë hedhur dyshime për COVID-19 si një shkaktar të mundshëm të rasteve të rënda të hepatitit, ndërsa i shtojnë peshë mundësinë që ato të shkaktohen nga virusi më i zakonshëm i lidhur me sëmundjet e stomakut./Euronews