Lajme
Skandal i ri në Parlamentin Evropian, kryetarja nuk deklaroi dhuratat
Presidentja e Parlamentit Europian, Roberta Metsola deklaroi në një regjistër publik për deputetët e këtij institucioni 142 dhurata që kishte marrë.
Megjithatë, duke e bërë këtë vetëm javën e kaluar, ajo humbi afatin e vendosur eurodeputetëve që të deklarojnë dhuratat e tyre, dhe la jashtë regjistrit 125 artikuj të tjera që ka marrë në këtë formë. Dhuratat e marra prej saj përfshinin shampanjë e cokollata si një kullë të vogël floriri nga politikani maroken Naam Mayara; një fustan i bardhë me qëndisje të arta nga Faëzia Zainal, kryetare e parlamentit të Bahreinit; një shall nga kryeministrja franceze Elisabeth Borne; kufje pa tela Sennheiser nga Bundestagu Gjerman; një vazo nga presidenca çeke e Këshillit të BE-së; një bluzë të bardhë nga presidentja e Moldavisë Maia Sandu.
Ekipi i Metsolës argumentoi se deklaratat e saj kishin shembur “kodin e fshehtësisë” së ish-presidentëve të Parlamentit, asnjëri prej të cilëve nuk shkoi aq larg sa të zbulonte publikisht qindra dhuratat e bëra nga personalitete të huaja. Zëdhënësi i saj nënvizoi se afati për eurodeputetët nuk aplikohet njësoj dhe për Metsolën sepse ajo është presidente e Parlamentit, por dicka e tillë nuk gjendet gjëkundi me shkrim.
“Kjo tregon se sistemi është i prishur”, tha Michiel van Hulten, drejtor i Transparency International BE dhe ish-ligjvënës.
“Nuk mund të operosh një sistem etike mbi bazën e rregullave të pashkruara. Është mirë që ajo e ka bërë këtë tani, por nuk vendoset çmim për respektimin e rregullave,” shtoi ai.
Debati mbi dhuratat e Metsolës në një kohë shumë të ndjeshme për Parlamentin e BE-së, i cili po lufton për të rivendosur besueshmërinë e tij mes një hetimi të policisë mbi pretendimet se figura të larta të Brukselit ishin të përfshirë në korrupsion, pastrim parash dhe pjesëmarrje në një organizatë kriminale./Euronews
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?