Skuadra kanadeze po e pret Xhemailin

Montreal Impact pret që Blerim Xhemaili të rritë cilësinë në skuadrën kanadeze, si dhe përvojën që ka me Zvicrën dhe skuadrat e ndryshme elitare ku ka luajtur

Mesfushori shqiptar, Blerim Xhemaili po shkëlqen në Bologna, megjithatë, ai në verë do t’i bashkohet skuadrës kanadeze, Montreal Impact, shkruan albinfo.ch.

Xhemaili nuk është emër i njohur si futbollisti i kësaj skuadre, Didier Drogba, megjithatë, cilësitë e mesfushorit shqiptar pritet që ta ndihmojnë shumë këtë skuadër në edicionin e ri.

“Nuk po e fshehu. Kontrata e Xhemailit është shumë dimensionale. Ai do të jetë në Bologna deri në qershor dhe më pas do t’i bashkohet skuadrës së Monerealit. Ai është i gatshëm për këtë”, ka thënë presidenti i Impact, Joey Saputo për mediat lokale.

“Ai është një lojtar me shumë përvojë ndërkombëtar dhe një lojtar me cilësi të mëdha. Ai do t’i jep shumë skuadrës tonë dhe gjithashtu do të shtojë përvojën në skuadrën tonë”, deklaroi drejtori teknik i skuadrës kanadeze, Adam Braz.

Xhemaili 30-vjeçar është anëtar i Zvicrës dhe ka marrë pjesë në Kampionatet Botërore më 2006 dhe 2014, si dhe në Evropianin e mbajtur në Francë.