Futboll

Skuadra shqiptare, kampione e Maqedonisë së Veriut

Është titulli i parë për klubin e themeluar vetëm tetë vjet më parë, në vitin 2015

E diel, 7 Maj 2023 - 23:12 albinfo.ch

Maqedonia e Veriut ka edhe një kampione shqiptare. Të dielën Struga ka siguruar titullin e kampionit në futboll. Është titulli i parë për klubin e themeluar vetëm tetë vjet më parë, në vitin 2015. Për Strugën është vetëm edicioni i katërt në elitën e Maqedonisë së Veriut, por tashmë është kampione, përcjell albinfo.ch.

Të dielën në kuadër të xhiros së 31-të, Struga fitoi 3:0 ndaj Sileksit. Dy xhiro para fundit, Struga udhëheq në tabelë me 62 pikë. Shkupi i vendit të dytë i ka 55 pikë e Shkëndija në vendin e tretë i ka 54 pikë. Pra, gara për titull ishte mes skuadrave shqiptare.