Bota
Soros braktis Hungarinë, nën presionin e kryeministrit Orban
Shoqëria e Hapur e fondacionit Soros do të mbyllë zyrat e saj në Budapest dhe pritet të hapë një degë të re në Berlin. Kjo pritet të realizohet në verë
Miliarderi i njohur me origjinë hungareze dhe hebreite, George Soros “është armiku kryesor i Hungarisë”. Kështu së paku ai është për kreun e qeverisë hungareze. I përballur me këtë presion, ai ka vendosur të largohet nga Budapesti e të vijë në Berlin.
Shoqëria e Hapur e fondacionit Soros do të mbyllë zyrat e saj në Budapest dhe pritet të hapë një degë të re në Berlin. Kjo pritet të realizohet në verë bën të ditur gazeta austriake, “Die Presse”.
Kryeministri hungarez, Viktor Orban e bën përgjegjës miliarderin George Soros për një plan të organizuar për infiltrimin në Europë të emigrantëve myslimanë nga Afrika dhe Lindja e Afërt, transmeton dw.de.
Institucionet, që miliarderi financon, ndër to Universiteti Qendror Europian në Budapest, sipas Orban, janë vetëm një mjet për të arritur këtë qëllim. Prova për këto akuza Orban nuk ka sjellë.
Një shije antisemitiste
Në verën e vitit 2017 në të gjithë Hungarinë gjeje pllakate “Stop Soros” me paralajmërime nga 87 vjeçari. Një ligj përkatës me emrin “Stop Soros” me gjasë do t’ua bëjë më të vështirë punën organizatave joqeveritare në Hungari. Kjo fushatë ndeshi në kritika ndërkombëtare, sepse mban një shije antisemitiste, sepse Orban e prezanton Sorosin si simbol të “elitës botërore” dhe spekulant “pa atdhe”.
Soros, një i mbijetuar i Holokaustit e ka vënë pasurinë me biznesin në bursa. Prej disa dekadash ai mbështet iniciativa dhe organizata që angazhohen për të drejtat e njeriut dhe demokracinë.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve