Lajme

Sot Cyrihu “vlon” nën ritmet dhe ngjyrat e zjarrta të “Street Parade”

"Street Parade", festa mbase më e madhe tekno në botë bën sot, më 13 gusht raundin e saj të 29-të. Ajo këtë vit zhvillohet nën moton "Think" (Mendo)

Pas dy vjetësh pauzë, të shkaktuar nga pandemia, këtë vit në Cyrih mbahet sërish festa e rrugës, ose Techno, ndër më të mëdhatë në botë, “Street Parade”. Ajo secilën herë ka gjallëruar qytetin nën ritme dhe ngjyra të zjarrta, por kësaj radhe pritet që shkëlqimi i festës të jetë edhe më i madh, një mënyrë kjo për “kompensimin” e mungesës dyvjeçare.

Duke filluar nga ora 14:00, 26 makina “Love Mobiles” do të rrotullohen përgjatë rrugës 2.4 kilometra rreth liqenit të Cyrihut nga Utoquai nëpërmjet Bürkliplatz e deri në Enge.

DJ ndërkombëtarë dhe të vendit pritet të luajnë setet e tyre në tetë skena nga ora 13:00 deri në mesnatë, transmeton albinfo.ch. Moti sot është ideal: rreth 28 gradë, kështu që çdo gjë është e gatshme për festën e madhe. Organizatorët presin deri në një milion vizitorë nga e gjithë bota.

Këto janë skenat kryesore ku do të zhvillohet festivali: Skena e Operas: Skena kryesore ndodhet direkt në Sechseläutenplatz. DJ dhe producenti gjerman Ben Böhmer do të hapë Paradën e Rrugës. Adriatique, Ida Engberg, Djaak dhe Chris Liebing janë gjithashtu të pranishme…

Skena qendrore: Skena e dytë kryesore në Bürkliplatz organizohet nga labeli zviceran i DJ Andrea Oliva, AllINeed. Ai gjithashtu merr përsipër hapjen. Janë lajmëruar edhe DJ-të Solardo, Vintage Culture dhe Syreeta.

Skena e raketës (RAkete Stage): Ndodhet drejtpërdrejt përballë skenës qendrore. Nga ora 13:00 e tutje, gjithçka që ka një reputacion në skenën tekno dhe house të Cyrihut pritet të krijojë këtu një atmosferë të mrekullueshme.

Gjithçka për konsumin, paratë etj.

Konsumimi i madh i ujit dhe pijeve joalkoolike ka shumë rëndësi për një ngjarje si kjo, përcjell albinfo.ch. Përveç 110 stendave të pijeve dhe bareve, ka edhe mbi 120 stenda të improvizuara ku shërbehen ushqime.

Për herë të parë këtë vit, në lokalet zyrtare dhe stendat e pijeve pagesat mund të kryhen pa para. Të gjitha kartat kryesore të kreditit dhe debitit, si dhe ato kryesore, pranohen në të gjitha ambientet e festivalit.

Aplikacionet me pagesë pranohen. Nëse dëshironi të paguani me para në dorë, duhet të merrni me vete franga zvicerane: Për shkak të parave të falsifikuara në vitet e mëparshme, pranohet vetëm valuta zvicerane. Megjithatë, ka mundësi për të ndryshuar në vendin e festivalit.


LAJME INTERESANTE NGA INTERNETI