Sot votohet për kryetarë të Preshevës dhe Bujanocit

Këtë të diele në Preshevë dhe Bujanoc votohet për të zgjedhur kryetarin e komunës.

Në garë nga Partia për Veprim Demokratik janë ddy kandidatë. Ragmi Mustafa garon për postin e kryetarit të Bujanocit dhe Ardita Sinani garon për të rimarrë edhe një herë drejtimin e Preshevës.

PVD-ja ka edhe mbështetjen e Kryeministrit të Kosovës, Albin Kurtit.

Ndërkohë nga Alternativa për Ndryshim, garojnë për Bujanoc Arbër Pajaziti dhe për Preshevën Visar Mehmeti.

Përveç në Preshevë dhe Bujanoc, zgjedhjet lokale të dielën mbahen edhe në 87 qytete dhe komuna të tjera përfshirë edhe Beogradin.

Me insistimin e opozitës, zgjedhjet në pushtetet e tjera lokale, të cilat nuk u mbajtën në dhjetor dhe ishin planifikuar për në vjeshtë, u bashkuan me zgjedhjet e Beogradit.

Kutitë e votimit u hapën që në orën 07:00.