Lajme
Sot Zvicra përkujton me një minutë heshtje viktimat e koronavirusit
Presidenti Parmelin: "I ftoj të gjithë në Zvicër të mbajnë një minutë heshtje për viktimat e koronavirusit, të premten në orën 11:59"
Me një minutë heshtje dhe me rënien e këmbanave, Zvicra përkujton sot në mesditë mbi 9.300 njerëzit që kanë vdekur në pandeminë e koronës, shkruan albinfo.ch.
Pikërisht një vit më parë, ishte bërë e njohur vdekja e parë nga koronavirusi në Zvicër.
Sic raporton agjencia zvicerane SDA në fillim të javës, Presidenti Federal Guy Parmelin u ka bërë thirrje kishave në Zvicër që t`i aktivizojnë kambanat të premten në mesditë, transmeton albinfo.ch. Në të njëjtën kohë, ai u ka bërë thirrje zviceranëve që të mbajnë një minutë heshtje.
Minuta e heshtjes, në orën 11:59
“Të bashkuar në përkujtim: Unë i ftoj të gjithë në Zvicër të mbajnë një minutë heshtje për viktimat e koronavirusit, të premten në orën 11:59. Pas kësaj, do të bien këmbanat e kishave”, ka shkruar Parmelin në një postim tjetër të mërkurën në Twitter.
“Në heshtje, dhe megjithatë së bashku, ne duam të tregojmë miqësinë, mbështetjen dhe mirënjohjen tonë”.
Parmelin sugjeron minutën e heshtjes jo vetëm për më shumë se 9,300 viktima të pandemisë dhe për ata që kanë humbur të afërmit, përcjell albinfo.ch. Duhet të përkujtohen edhe personat që aktualisht vuajnë nga sëmundja ose po trajtohen nga efektet afatgjata, por edhe njerëzit që po i mbështetën këta.
Në konsultim me presidentët e të dy dhomave të parlamentit Qeveria Federale ka vendosur të mos organizojë ndonjë ceremoni përkujtimore. Ky vendim justifikohet me situatën aktuale epidemiologjike. Kishat rajonale gjithashtu përgatisin aktivitete homazhi, pavarësisht nga Qeveria Federale.
Të ngjashme
Të tjera nga Lajme
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zviceranët duan të ulin kostot e kujdesit shëndetësor Mbështetësit e UDC janë të vetmit që shprehen kundër modifikimit të ligjit federal për energjinë dhe...
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën
-
Bazel: Dënohet me burgim të përjetshëm shqiptari për vrasjen e dyfishtë